სარედაქციო პოლიტიკა

სამეცნიერო ჟურნალის „თავდაცვა და მეცნიერება“ სარედაქციო პოლიტიკა

 

1. ზოგადი დებულებები 

ა.საერთაშორისო სამეცნიერო ჟურნალი „თავდაცვა და მეცნიერება“ არის: სა­ერ­თა­შო­რისო რეფერირებადი და რეცენზირებადი სამეცნიერო ჟურნალი, რომელიც  გამოიცემა წელიწადში ერთხელ, ინგლისურ ენაზე;

ბ. ჟურნალი  მოიცავს თეორიულ და პრაქტიკულ სამეცნიერო ნაშრომებს  ისეთ სფე­რო­ებ­ში, როგორიცაა, სოციალური, ჰუმანიტარული, ზუსტი და საბუნებისმეტყველო, თა­ვ­დაცვისა და უსაფრთხოების მიმართულებები და ა.შ.

გ. ჟურნალი წარმოადგენს ღია წვდომის გამოცემას, რაც ნიშნავს, რომ მისი შინაარსი სრულად ხელმისაწვდომია მომხმარებლებისათვის ყოველგვარი დამატებითი გა­დ­ასა­ხადის ან რეგისტრაციის გარეშე. მომხმარებლებს უფლება აქვთ გაეცნონ, ჩა­მოტ­ვირ­თონ, გადაიღონ ასლი, გაავრცელონ, დაბეჭდონ, მოიძიონ ან ნაშრომების ტექსტზე მი­თი­თება გააკეთონ ან სხვა კანონიერი მიზნით გამოიყენონ ჟურნალი და მასში განთავსებული ნაშრომები გამომცემლის ან ავტორების წინასწარი თანხმობის გარეშე, სარედაქციო პოლიტიკით განსაზღვრული Creative Commons ლიცენზიის პი­რო­ბე­ბის შესაბამისად (იხ. საავტორო უფლებების საკითხი).

2. ჟურნალში გამოსაქვეყნებელი ნაშრომების ტიპები
ა. საერთაშორისო სამეცნიერო ჟურნალში „თავდაცვა და მეცნიერება“ შეიძლება განთავსდეს შემდეგი ტიპის ნაშრომები:
✓ აკადემიური ნაშრომი/სამეცნიერო სტატია;

 

3. ნაშრომის შესარჩევად პირდაპირ მიწოდების წესი

• ავტორმა უნდა გააგზავნოს ნაშრომი ელ.ფოსტის საშუალებით defenseandscience@eta.edu.ge. ნაშრომს უნდა ახლდეს: სათაური, ავტორის /ავტორების სახელი, გვარი, დაკავებული თანამდებობა, სამეცნიერო ხარისხი, აბსტრაქტი, საკვანძო სიტყვები, რომლებიც უზრუნველყოფს სტატიების კლასიფიცირებას თემების მიხედვით;
• ავტორმა უნდა მიაწოდოს რედაქციას ავტორის ღია იდენტიფიკატორი: Orcid-16 ციფრიანი უნიკალური კოდი;
• ავტორმა უნდა უზრუნველყოს რედაქციისათვის დასრულებული, ტექნიკური და ენობრივი თვალსაზრისით გამართული ტექსტის მიწოდება;
• სარედაქციო კოლეგია არ განიხილავს ნაშრომის გამოქვეყნების საკითხს, რომელიც ჟურნალის მოთხოვნების მიხედვით არ იქნება გაფორმებული.

 

4. ნაშრომის შერჩევის წესი

ა. პლაგიატის არ არსებობის შემთხვევაში, ნაშრომების შერჩევას ახდენს მთავარი რედაქტორი და შემდეგ წარუდგენს სარედაქციო კოლეგიას, საბოლოო გადაწ­ყვე­ტი­ლე­ბის მისაღებად;

ბ. ნაშრომი შეირჩევა მთავარი რედაქტორისა და სარედაქციო კოლეგიის მიერ ორმაგი  ფარული რეცენზიის წესით.

5. ნაშრომების გამოქვეყნების საკითხის გადაწყვეტა
ა. შერჩეული ნაშრომების ავტორებს კოლეგიის გადაწყვეტილების შესახებ ეცნობებათ ელექტრონული ფოსტის მეშვეობით defenseandscience@eta.edu.ge

 

6.სტატიის შინაარსობრივი სტანდარტები

ა. ნაშრომი მიზნად უნდა ისახავდეს დარგში არსებული საკითხის განვრცობას ან ახალი საკითხის წამოწყებას, მასში უნდა იყოს მოცემული მყარი არგუმენტები და დასაბუთებული მოსაზრებები;

ბ. ნაშრომში კვლევის მეთოდოგოლია  უნდა იყოს სრულად დაცული.

 

7. სტატიების გამოქვეყნების ღირებულება
ჟურნალში “თავდაცვა და მაეცნიერება“ სტატიების ავტორებს გამოქვეყნებისათვის არ მოეთხოვებათ რაიმე სახის გადასახადი.

ტექსტის განხილვასთან და მის რედაქტირებასთან დაკავშირებული ყველა ხარჯი ეკისრება სსიპ-დავით აღმაშენებლის სახელობის საქართველოს ეროვნული თავდაცვის აკადემიას.   

 8. არქივის პოლიტიკა

ჟურნალში გამოქვეყნებული ყველა სტატიის შენახვისა და ხელმისაწვდომობის უზრუნველსაყოფად, სტატიები ინახება მულტიდისციპლინური საგამომცემლო პლატფორმაზე Openjournals.ge. გარდა ამისა, თავად ავტორებს ურჩევენ დაარქივონ თავიანთი სტატიის საბოლოო PDF ვერსია, ღია ელექტრონულ არქივებში.

 

რედაქტორი უზრუნველყოფს სსიპ-დავით აღმაშენებლის სახელობის საქართველოს ეროვნული თავდაცვის აკადემიის  ბიბლიოთეკის ვებ-გვედზე library.eta.edu.ge,  ჟურნალის შინაარსზე წვდომის ციფრულ შენახვას.