მისია, მიზნები და ამოცანები

„თავდაცვა და მეცნიერება“ არის სამეცნიერო ჟურნალი, რომელიც ქვეყნდება სსიპ - დავით აღმაშენებლის სახელობის საქართველოს ეროვნული თავდაცვის აკადემიის მიერ, ინგლისურ ენაზე. ის მოწოდებულია გამოაქვეყნოს რეცენზირებული სტატიები, რომლებსაც მნიშვნელოვანი წვლილი შეაქვს როგორც თავდაცვის სფეროში, ასევე მეცნიერების სხვადასხვა დარგებში, როგორიცაა სოციალური, ჰუმანიტარული, ზუსტი და საბუნებისმეტყველო მიმართულებები და ა.შ.

ჟურნალის მიზნები, მისია  და კონცეფცია:

ჟურნალის მიზანია ხელი შეუწყოს ზედმიწევნით, ზუსტ სამეცნიერო კვლევას და მის გავრცელებას სხვადასხვა მიდგომებისა და მეთოდების დაცვით; ამასთან, სამეცნიერო საზოგადოებას მიაწოდოს ინფორმაცია  თანამედროვე სამეცნიერო კვლევების შესახებ შემდეგ დარგებში -  ისტორიის, მათემატიკის, ფიზიკის, ინფორმატიკის, პოლიტიკის, დიპლომატიის, რეგიონმცოდნეობის,  ეთნოლოგიის, ეთნოგრაფიის, კულტურული ანთროპოლოგიის, ისტორიოგრაფიის, ფილოსოფიის და სხვა.

ჟურნალის შექმნის მიზანია სხვადასხვა ქვეყნის მკვლევრებს შევთავაზოთ კონკურენტუნარიანი ნაშრომები; შევქმნათ საერთაშორისო შედარებითი, აზრთა გამოცდილებისა და ცოდნის გაზიარების პლატფორმა სხვადასხვა სამეცნიერო წრისათვის; წარმოვაჩინოთ მაღალი ხარისხის  სამეცნიერო ნაშრომები და მაქსიმალურად ხელმისაწვდომი გავხადოთ მკითხველთა ფართო წრისათვის

რეფერირებადი და რეცენზირებადი ჟურნალის  „თავდაცვა და მეცნიერება”  მისიაა სამხედრო მეცნიერების განვითარება და სამოქალაქო საზოგადოებაში მისი ცნობადობის და ზოგადად, ცნობიერების ამაღლების ხელშეწყობა.

ჟურნალს ჰყავს საერთაშორისო სარედაქციო კოლეგია.

ჟურნალის ამოცანებია: მაღალ რეიტინგულ საერთაშორიო სამეცნიერო გამოცემებს შორის ღირსეული ადგილის დამკვიდრება, საერთაშორისო სამეცნიერო წრეების მიერ აღიარებულ ავტორიტეტულ საერთაშორისო ბაზებში განთავსება, მკითხველთა და ავტორთა საერთაშორისო აუდიტორიის გაფართოება და ჟურნალის პოპულარიზაცია.

პერიოდულობა: კრებული „თავდაცვა და მეცნიერება” გამოიცემა წელიწადში ერთხელ, ინგლისურ  ენაზე.